കൊച്ചി: വധശ്രമത്തിനു കേസെടുക്കണമെങ്കില് ബോധപൂര്വം കൊലപാതകം നടത്താന് ശ്രമമുണ്ടാകണമെന്നു ഹൈക്കോടതി.
വധിക്കാന് ബോധപൂര്വം ശ്രമിച്ചെന്നോ മരണം സംഭവിച്ചേക്കാമെന്ന ബോധ്യത്തോടെ ആക്രമണം നടത്തിയെന്നോ തെളിയിക്കാനായില്ലെങ്കില് വധശ്രമക്കേസില് ശിക്ഷ നല്കാനാകില്ല. ആക്രമണത്തിലുണ്ടായ മുറിവിന്റെ സ്വഭാവവും വധശ്രമക്കുറ്റം നിര്ണയിക്കുന്നതില് സുപ്രധാനമാണെന്ന് ജസ്റ്റീസ് എ. ബദറുദ്ദീന് വ്യക്തമാക്കി.
ആശുപത്രിയില് സുഹൃത്തിനെ സന്ദര്ശിച്ചു മടങ്ങുന്നയാളെ തിരൂര് ഗവ. ആശുപത്രിക്കുമുന്നില് വച്ച് കുത്തിപ്പരിക്കേല്പ്പിച്ച കേസിലെ പ്രതിയായ കൂട്ടായി കോതപ്പറമ്പ് മൂസാന്റെപുരക്കല് മനാഫിനെ വധശ്രമക്കുറ്റത്തിന് ഏഴു വര്ഷം ശിക്ഷിച്ച സെഷന്സ് കോടതി ഉത്തരവ് റദ്ദാക്കിയാണ് കോടതിയുടെ നിരീക്ഷണം.
2005 മേയ് 17ന് നടന്ന സംഭവത്തില് മഞ്ചേരി സെഷന്സ് കോടതിയാണു മനാഫിന് ശിക്ഷ വിധിച്ചത്.
Deepika
E-paper LOGIN
LOGIN
